الدرس الثالث من دروس الشيرنج_كيفية وضع السيرفرات وشرحها شرح كااامل

فى هذا الدرس باذن الله سأقوم بشرح مفصل تماما عن كيفية وضع السيرفرات فى البرنامج

نبدأ على بركة الله

اول حاجه عاوز اوضحها هي انى برامج الشيرنج كتير جدا زي ما ذكرت فى 

موضوع الشرح ولكن انا اخترت انى نشرح برنامج جلاديتور علشان هو بينفع 

لحوالى 99% من الرسيفرات واستخدامه سهل جدااا

طبعا احنا عرفنا معنى السيرفرات فى اووول موضوع عن الشيرنج

وعرفنا نشغل برنامج جلاديتور ازاى

نيجي بقى للمهم وهو طريقة وضع السيرفرات لانى انت من غير سيرفر مش 

هتقدر تفتح القنوات حتى لو معاك البرنامج

السيرفرات عبارة عن نوعين النوع الاول اسمه CCcam سي سي كام

النوع الثانى اسمه Newcamd نيوكامد

وفى انواع تانى زي Obox او Mgcamd

لكن افضل الانواع هي اول نوعين ذكرتهم

طيب انهو احسن من الاتنين ؟

النوع نيوكامد اسرع من السسكام فى فتح القنوات والتنقل ولكن ده ما يمنعش انى 

سي سي كام كويس برضو

وانا استخدم سي سي كام عادي وكويس

طيب عاوزين نعرف تكوين السيرفر .. بيتكون من ايه ؟

السيرفر سسكام بيتكون من 4 حاجات
1-Host

2-Port

3-username

4-Password

السيرفر نيوكامد بيتكون من 5 حاجات 

1-Host

2-Port

3-username

4-Password

5-DesKey

طبعا اللى لسه متابع معانا مش عارف معنى اي حاجه فى اي حاجه ههههههه

هقولك ياسيدي 

الهوست اللى هو رقم 1 ده عبارة عن عنوان السيرفر وممكن يكون فى شكل اي 

بي IP وبيكون مثلا فى الشكل دهwww.****.com

لانى اللى بينشأ السيرفر لازم يكون عنده امكانيات زي كارت ستالايت و جهاز 

دريم بوكس وشغلانة ف بيسميه باسم موقعه او باسم الموقع اللى هو بينتمى اليه 



تانى حاجه وهو البورت وده عبارة عن رقم بيكون مثلا 12000 او 14000 او 

اي رقم 

واحد هيقولى هو كله كده اي حاجه اي حاجه اقولك انى اللى بيعمل السيرفر ده 

بيبقى قدامه انه يكتب اللى هو عاوزه يعني مثلا فى واحد بيخلي البورت بتاعه سنة

 ميلاده 1987 وفى النوع سسكام من السيرفرات بيبقالها بورت واحد بس بيفتح 

كل القنوات انما فى النوع نيوكامد الامر بيختلف ... كل باقة وليها بورت خاص 

بيها يعني مثلا لو انت عاوز تفتح باقة بي ان سبورتس يقولك بورتها مثلا 11000

 وباقة مثلا ART بورتها 12000 وهكذا وهذا هو سبب سرعة النيوكامد عن 

السسكام انى كل باقة فى بورت خاص بيها


تالت حاجه وهى اليوزر نيم وده بقى متغير يعني اللى بيعمل السيرفر ب500 

يوزر يبقى كل واحد ياخد يوزر يبقى السيرفر ده بيتحمل 500 متصل وهكذا 

وممكن يكون فى سيرفر بيوزر واحد بس وبيتحمل الاف المتصلين بس طبعا ده 

بيكون مكلف فى عمله ف نادرا لما تلاقي زيه واللى بيعمل السيرفر بيبقى قدامه 

كذا خيار اما انه يكتب اليوزارات باي اسامى وبعد كده ينزلها للناس وكل واحد 

ياخد واحد او انه يستنى الناس تطلب منه يوزر وبعد كده يقوله عاوزه باسم ايه 

يقولو كذا ويسجلو فى السيرفر وتمام


رابع حاجه هى الباسوورد وده بيبقى ثابت فى 99% من السيرفرات وبرضو 

بيبقى اي حاجه يعني لو صاحب موقع هو اللى عمل السيرفر بيعمل الباسوورد 

على الشكل ده com.*** او اي حاجه بس الاغلب بيعمل كده 


خامس حاجه بقى وهي موجودة فى سيرفرات النيوكامد فقط وهي الديس كي وده 

مريح الناس منه وثابت على طوووول فى اي سيرفر 


لو لسه المعلومة بتاعت بيانات السيرفر ماوصلتلكش بعد ده كله هديك مثال بسيط

السيرفر نشبهو مثلا بمنتدى المنتدى لييه رابط (الهوست) وعشان تخش على 

المنتدى لازم تبقى مسجل فيه يعني معاك يوزر وطبعا مينفعش حد يسجل باسمك 

تانى و هتحتاج برضو باسوورد ولو باسووردك زي باسوورد اي حد تانى مش 

مشكلة صح ؟



طيب بعد ما فهمنا مكونات السيرفر نيجي لجزئية تانية وهى كيفية وضع السيرفر

 فى برنامج جلاديتور 

بص بقى ياسيدي السيرفرات المجانية نوعين نوع بيديلك بيانات السيرفر فى ملف 

txt وانت بقى تظبط مع نفسك وتحط السيرفر فى البرنامج 

والنوع التانى حاططلك السيرفرات فى البرنامج ورافعلك البرنامج على النت 

بحيث انك متتعبش ... يدوب تحمل البرنامج وتشغلو وخلاص ودي الطريقة اللى 

انا بأفضلها 


ولكن هشرح باذن الله الاتنين 

اولا للدخول على ملف السيرفرات افتح البرنامج  وافتح الملف الاول اللى فى 

الصورة وهو ملف txt

بعد ما فتحناه هنلاقى جواه سيرفرات على الشكل ده 

طبعا البرنامج بيقبل 16 سيرفر بس انا شرحت على 2 فقط للتوضيح

زي ما انتوا شايفين السيرفر الاول وهو سسكام والتانى نيوكامد وارقم الاخير فى 

النيوكامد الكبير هو ده الDesKey

والصفر اللى بين البورت واليوزر ده ثااابت على طوووول 


طيب احنا لو معانا ملف تكست فى بيانات سيرفر هنحط ازاى البيانات دي 

فى اداة بسيطة جدا تقدر تحملها من هنـــــــا

الاداة دي بتساعدك على انك تعمل بيانات السيرفر تظبطها يعني عشان البرنامج 

يقبلها 

شكل الاداة

اكيد واضح للجميع بنكتب فى كل خانه البيانات الخاصه بيها وبعد كده نحدد النوع 

اذا كان سسكام او نيوكامد ونضغط Edit

وهيطلعلنا السطر الكامل للسيرفر فى المربع الاسود ننسخه ونحطه فى ملف txt 

بتاع برنامج جلاديتور ونقفلو ونحفظ ونشغل البرنامج زي ما شرحنا فى 

الموضوع اللى قبل كده

بعض الملاحظات:-

1/ السيرفرات المجانية متغيرة يوميا يعني انت لازم كل يوم تدخل على النت 

وتدور على سيرفر كويس من ضمن السيرفرات المجانية ولكن ان شاء الله ساوفر 

لكم افضل السيرفرات المجانية هنا فى المدونة وعلى صفحتنا على الفيس بوك

 يوميا باذن الله


2/ لو انت حملت ملف txt فى بيانات لسيرفر هتلاقى فيه على الاقل 500 يوزر 

انت هتحتار تنسخ انهو .. انسخ اي واحد واعملو زي ما شرحنا فوق وجربه ولو 

مشتغلش يبقى فى حد غيرك استعمل اليوزر ده يبقى شوف يوزر غيره (مع ثبات 

الهوست والبورت والباسوورد)

اخيرا 

الشيرنج ده عااااالم كبييير وانا انسان يعني ممكن اغلط او معرفش اوصلك 

المعلومة فالرجااااااااء من الجميع ... الجزئية اللى مش مفهومة فى موضوع 

الشيرنج يستفسر عنها وانا باذن الله هوضحهالو